Молебен с чтением акафиста перед ковчегом с частицей Пояса Пресвятой Богородицы

15 октября,  священнослужители города Котовска, настоятель Благовещенского храма священник Иоанн Масягин и клирик храма священник Артемий Арбузов, совершили молебен с чтением акафиста перед  ковчегом с частицей Пояса Пресвятой Богородицы в Спасо-Преображенском кафедральном соборе города Тамбова. Все желающие прихожане города Котовска имели возможность приложиться к святыне. фотоотчет здесь

ТРОПАРЬ И КОНДАК СВЯТОМУ И ПРЕЧЕСТНОМУ ПОЯСУ ПРЕСВЯТОЙ БОГОРОДИЦЫ

Тропарь, глас 5

Яко некрадомо богатство, пояс Твой честный Присноблаженная, и благих подание имуще, Обитель Ватопедская взывает Ти, препояши со благоговением, притекающия ны к нему, силою его божественною, и крепость льстиваго врага разруши, спасение верным

Кондак, глас 6

Богоприемное Твое чрево Богородице, объемший пояс Твой честный, держава стаду Твоему необорима, и сокровище есть благих неоскудно, едина рождшая Приснодево.

МОЛИТВЫ СВЯТОМУ И ПРЕЧЕСТНОМУ ПОЯСУ ПРЕСВЯТОЙ БОГОРОДИЦЫ

Молитва первая

О, Благодатная Богомати, Пренепорочная и Обрадованная, да обрадуемся и мы, немощныя людие Твои, яко Силою и Властию Твоею сокрушиши всех врагов наших видимых и невидимых, да прославим и возвеличим Тя, яко Непобедимую Победу Всесильную.

Молитва вторая

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

АКАФИСТ СВЯТОМУ И ПРЕЧЕСТНОМУ ПОЯСУ ПРЕСВЯТОЙ БОГОРОДИЦЫ

Кондак 1

Ко пречестному Богородице божественному поясу Твоему, со благоговением притекающе, исполняемся просвещения и благоухания премiрнаго, но яко пучино сущи Дево благости, препояши ны силою его Непорочная, зовущия:
Радуйся поясе пречестный.

Икос 1

Ангели невидимо пояс Твой святый со страхом обстояще Отроковице, мы же во плоти сущия, с верою припадаем к нему, освящение приемлюще, и во благоговении вопием:
Радуйся поясе Богородицы,
радуйся сияние всему миру.
Радуйся Непорочныя Девы препоясание,
радуйся Церкве всея сокровище.
Радуйся поясе многоценный Владычицы небес,
радуйся цвете благоуханный благочестивых христиан.
Радуйся яко тело Девыя препоясаеши,
радуйся яко крепость льстиваго ослабеваеши.
Радуйся светильниче благодати всесветлый,
радуйся источниче чудес неизсякаемый.
Радуйся имже вернии светозаряются,
радуйся имже врази упраздняются.
Радуйся поясе пречестный.

Кондак 2

Воззри Богородительнице, оком благоутробным, ко иже верою ко святому Ти поясу, якоже источнику вод освященных честно припадающих, и просящих благодати Твоея, необоримую бо силу темже подаждь вопиющим:
Аллилуйя.

Икос 2

Бысть Богородице честнаго Ти пояса принесение во Царский Град, источник веселия истиннаго, царицу бо скоро исцелил еси, нам же благодать обильную присно подает вопиющим:
Радуйся источниче радости вечныя,
радуйся чаше душепищнаго брашна.
Радуйся имже Всечистая Дево препоясася,
радуйся иже во Афоне яко свет возсия.
Радуйся яко Зою царицу излечил еси,
радуйся яко точиши всем веселие умное.
Радуйся пленице всесвятая Чистыя Богородицы,
радуйся стрело огненосная на врага человекоубийцу.
Радуйся радости вина и ходатаю,
радуйся тихое душам пристанище.
Радуйся Христу благочестно связующий,
радуйся страстей стремления упраздняющий.
Радуйся поясе пречестный.

Кондак 3

Пояс Твой Фоме предаде Богородице, к Сыну Твоему восходяще, и чрез онаго же яко честен дар и благ исполнение его нам оставила еси Всепетая, поющим и вопиющим Ти: Аллилуйя.

Икос 3

Имеет святая Обитель Твоя Ватопедская, яко неотъемлемо богатство Отроковице, и яко столп Твоего заступления, миродохновенный и всечестный Твой пояс, емуже благочестно припадающе, во умилении зовет:
Радуйся богатство нетления,
радуйся столпе сострадания.
Радуйся подателю благ неисчерпаемый,
радуйся иноком водружение незыблемое.
Радуйся поясе всепречестне ангелом радосте,
радуйся монахом утверждение и бед отриновение.
Радуйся Ватопеду хвало многоценная,
радуйся благочестивым победное пение.
Радуйся благовонием небесным дыхающий,
радуйся крепость непобедимую подающий.
Радуйся тобою бо монашествующия укрепляются,
радуйся тобою бо враждующия упраздняются.
Радуйся поясе пречестный.

Кондак 4

Живоносный кивот всечестнаго Ти пояса, подает благоухание Дево, и злосмрадие страстей отгоняет присно от душ наших, темже величию Твоему дивящеся вопием: Аллилуйя.

Икос 4

Пояс Твой святый Всесвятая Дево, яко свет сияет на горе афонстей, и лучы златовидными, вся облистает твоей благодатию, темже чудеса того почитающе, верою вопием:
Радуйся чудес подателю,
радуйся благодатей светолитие.
Радуйся сокровищь сокровище святое,
радуйся свеще сердец богомудрых.
Радуйся, поясе, егоже поносила есть Всенепорочная на земли,
радуйся всякую подающий благодать и многую крепость.
Радуйся яко показуеши Девыя славу,
радуйся яко отвращаеши демонския луки.
Радуйся многая исцеления источающий,
радуйся души страстей свобождающий.
Радуйся верным ликование божественное,
радуйся честная милосердия клете.
Радуйся поясе пречестный.

Кондак 5

Богодарованный дар и небесное богатство, пояс Твой держаще Отроковице, на страсти силу непобедимую, еюже препоясаемся, благодать бо и милость присно подает вопиющим: Аллилуйя.

Икос 5

Исцеление источает пояс Твой святый души и телу Отроковице, якоже росу весненную, яко бо Исайа глаголет Всенепорочная, и сладость небесную благоговейно тому вопиющим:
Радуйся источниче вод невещественных,
радуйся поточе многих даров.
Радуйся Всечистыя пояс всечестный,
радуйся Церкви радость небесная.
Радуйся сокровище святое дарований духовных,
радуйся венче славный христиан благочестивых.
Радуйся Ватопеду стена нерушимая,
радуйся всему миру столпе крепости божественныя.
Радуйся честное Девыя опоясание,
радуйся Богом нам данная купля.
Радуйся Единыя Девыя поясе,
радуйся верным богодарованная сило.
Радуйся поясе пречестный.

Кондак 6

Стяжа Обитель Твоя Ватопедская, яко сокровище божественное Отроковице, пояс Твой дивный, и чудесы того хвалится, и благодарственныя песни Тебе воспевает глаголюще:  Аллилуйя.

Икос 6

Свет сияющий зряшеся пояс Твой святый, внегда принесеся во остров Тира, отонудуже со благоговением многим во Обитель Твою сей принесоша, поюще Твое промышление и радостию вопиющи: Радуйся поясе Богородицы,
радуйся Ватопеду слава.
Радуйся егоже осеняет благодать Духа Святаго,
радуйся егоже похваляет народ христоименитый.
Радуйся чредо всечестная дарований небесных,
радуйся песнопение непрестанное монахом и постником.
Радуйся яко струи исцелений точиши,
радуйся яко пламень страстей угашаеши.
Радуйся честное Чистыя препоясание,
радуйся всем верным спасение.
Радуйся света заре облистающая,
радуйся страстей уставляеши пагубу.
Радуйся поясе пречестный.

Кондак 7

Величаем вси, многая величия, еже о нас Твоего попечения, и пояс Твой священный верою обстояще Всепетая, освящения исполняемся, и Сыну Твоему взываем:  Аллилуйя.

Икос 7

Яко облак мысленный, пояс Твой святый, простри на ны Богородице, и душа наша исполни, освящения и умиления божественнаго, к Тебе бо прибегаем, и поясу Твоему взываем:
Радуйся жилище благодати божественныя,
радуйся сострадания кладязе.
Радуйся даров богоданных сокровище,
радуйся Чистыя Богородицы препоясание.
Радуйся твердый соузе и мира подателю,
радуйся благочестивым утверждение незыблемо и сладость.
Радуйся яко чудес лучи испущаеши,
радуйся яко свирепства болезней разоряеши.
Радуйся Божией благости луче,
радуйся крепосте наша богодарованная.
Радуйся радость истинную подающий,
радуйся тлю душевную умерщвляющий.
Радуйся поясе пречестный.

Кондак 8

Странна твоя чудеса, о поясе пречестный Всецарицы Девы, поветрия губительнаго Царский Град свободил еси, чудяху бо ся и дивляхуся во умилении вопиющия: Аллилуйя.

Икос 8

Пристанище обуреваемым, пояс Твой святый показася Богородице Дево, благодать бо Твоя яже на нем, действует бо чудесы приходящим, темже к нему припадающе, с любовию взываем:
Радуйся рако добрых небесных,
радуйся чудес точение различных.
Радуйся Девы нам посещение,
радуйся скорбящим душам заступниче.
Радуйся божественное жилище действа божественнаго,
радуйся благодати Девыя святое сокровище.
Радуйся яко холеры Град Царский спасаеши,
радуйся яко скорое всем заступление посылаеши.
Радуйся угль погашающий страсти,
радуйся вся ны возвеселяющий.
Радуйся многих даров палато,
радуйся славы божественныя честное хранилище.
Радуйся поясе пречестный.

Кондак 9

Исполнь славы святыя видится, пояса Ти кивот воистину святый, Богородице Дево Чистая, разум нам удивляющий, благоуханием бо дышит премiрным вопиющим: Аллилуйя.

Икос 9

Жезл крепости божественныя, пояс Твой нам дадеся, дивная Богоматерь, умным бо того содействием, от всякия беды избавляемся и благодати исполняемся, во благоговении вопиюще:
Радуйся сосуде святаго благоухания,
радуйся диадима нетления.
Радуйся монашествующим честное прибежище,
радуйся имже во Афоне даяние препетое.
Радуйся Чистыя Девы всечестное священие,
радуйся Ея же воистину нам дар всесовершенный.
Радуйся Ватопеду веселие истинное,
радуйся всякому сердцу благочестному радосте.
Радуйся цветов благодати благоухание,
радуйся горней красоты дыхание.
Радуйся фиало ароматов божественных,
радуйся святым божественное пение.
Радуйся поясе пречестный.

Кондак 10

Покров и предстательство, и Божию помощь, присно плодяще Всесвятая, от миродохновеннаго Ти пояса, с верою к нему приступаем, и благоговейно припадающе, из Тебе Рождшемуся вопием: Аллилуйя.

Икос 10

Благодатию святаго Ти пояса Богородице, силу нам препояши на врага началозлобнаго, яко лев на ны рыкающаго, якоже да одолеем злобу того вопиющия:
Радуйся Чистыя Девы поясе,
радуйся чаше Господния крепости.
Радуйся связующий ны и спасающий,
радуйся узы страстей разрешающий.
Радуйся поясе драгоценнейший Рождшия Христа,
радуйся благочестному народу даяние священнейшее.
Радуйся божественныя нам силы подателю,
радуйся вражие неистовство отвергающий.
Радуйся о поясе Богоматери,
радуйся о слава нам и соузе.
Радуйся Церкви Христовой украшение,
радуйся народу православному утверждение.
Радуйся поясе пречестный.

Кондак 11

Благодарственными песньми, поясе всепречестне всех Зиждителя Рождшия, твою благодать воспеваем присно, многих чудес твоих насдаждающеся, и славим Чистую Всецарицу, Христу вопиюще: Аллилуйя.

Икос 11

Светоприемную свещу, пояс Твой святый, имуще Обитель Ватопедская, светлеется Дево присно, и славит еже о ней Твое промышление, яко той даровася пояс Твой верно вопиющей:
Радуйся поясе Богородицы,
радуйся светильниче света трисветлаго.
Радуйся разделенным божественное сочетание,
радуйся недугующим богоданная сило.
Радуйся поясе божественный державу верным подающий,
радуйся всевоинства велиарова полки погубляющий.
Радуйся яко силы душам укрепляеши,
радуйся яко к восхождениям добрым направляеши.
Радуйся язвы душ омывающий,
радуйся колесницы врагов сокрушающий.
Радуйся истинное нам веселие,
радуйся верным божественное утешение.
Радуйся поясе пречестный.

Кондак 12

Радуется, Богородице, Обитель Ватопедская, поясом божественным Ти обладающе, и ко славословию величий Твоих обители вся созывает, славяще славу Твою, Троице же вопиюще: Аллилуйя.

Икос 12

Поюще по долгу, Богородице Дево, пояса Ти благодать преобильную, и проповедуем ясно Чистая, еже о нас богатное Ти попечение, и пресвятому Ти поясу всеблагодарно вопием:
Радуйся Девыя честная пленице,
радуйся Ватопеду радосте.
Радуйся верных к Богу возводящий,
радуйся ко истинней жизни влекущий.
Радуйся поясе всепречестный, Церкви сокровище,
радуйся миру веселие и мира подателю.
Радуйся благочествующим прибежище спасения,
радуйся монашествующим богатство утешения.
Радуйся имже страстей очищаюся,
радуйся имже света исполняюся.
Радуйся души моея радость истинная,
радуйся жизни моея пристанище верное.
Радуйся поясе пречестный.

Кондак 13

О пречестный поясе Пречистыя Богородицы, препоясавый тело непорочное, подавай нам от сокровища всельшияся в тя благодати божественныя, действо животворящее, яко да Христу присно вопием: Аллилуйя.

(Этот кондак читается трижды, затем икос 1 и кондак 1)

Икос 1

Ангели невидимо пояс Твой святый со страхом обстояще Отроковице, мы же во плоти сущия, с верою припадаем к нему, освящение приемлюще, и во благоговении вопием:
Радуйся поясе Богородицы,
радуйся сияние всему миру.
Радуйся Непорочныя Девы препоясание,
радуйся Церкве всея сокровище.
Радуйся поясе многоценный Владычицы небес,
радуйся цвете благоуханный благочестивых христиан.
Радуйся яко тело Девыя препоясаеши,
радуйся яко крепость льстиваго ослабеваеши.
Радуйся светильниче благодати всесветлый,
радуйся источниче чудес неизсякаемый.
Радуйся имже вернии светозаряются,
радуйся имже врази упраздняются.
Радуйся поясе пречестный.

Кондак 1

Ко пречестному Богородице божественному поясу Твоему, со благоговением притекающе, исполняемся просвещения и благоухания премiрнаго, но яко пучино сущи Дево благости, препояши ны силою его Непорочная, зовущия:
Радуйся поясе пречестный.

 

 
По теме
«Светлый праздник Рождества» - Объединение церквей ЕХБ Рождество – это не только радостный праздник, торжественные служения в церквях, подарки, но и замечательный повод для того, чтобы рассказать людям Весть об Иисусе Христе.
23.10.2018
 
Устраивать дом духовный - Объединение церквей ЕХБ На днях в Молитвенном доме Тамбовской церкви евангельских христиан-баптистов «Источник Жизни» прошел межобластной слет сотрудников и воспитанников Духовных центров социальной помощи.
23.10.2018
Искать Правду - Объединение церквей ЕХБ В течение двух дней культурная и христианская общественность Тамбова имела возможность слушать вживую лекции Сергея Чапнина, известного христианского журналиста из Москвы.
23.10.2018
 
Создавать атмосферу тепла и света - Объединение церквей ЕХБ Вот уже четвертый год подряд Объединение церквей евангельских христиан-баптистов Тамбовской области организует в летнее время слет любителей английского языка.
23.10.2018
Праздник евангельской музыки в Тамбове - Объединение церквей ЕХБ В августовские дни город Тамбов стал местом проведения выездной расширенной учебной сессии отделения русских народных инструментов Музыкальной школы Международного Союза церквей евангельских христиан-баптистов.
23.10.2018
 
Уже по доброй традиции этим летом был организован христианский кемпинг для верующей и неверующей молодежи, который прошел в период с 8 по 16 августа.
23.10.2018
Посещать другие церкви - Объединение церквей ЕХБ   Хорошая традиция посещать своих братьев и сестер в других церквях. Но не всегда можно просто приехать, потому у каждого есть в церкви служение, за которое мы отвечаем.
23.10.2018
Из сводок дежурной части ГИБДД - УМВД Тамбовской области За минувшие сутки, 22 октября, на территории Тамбовской области зарегистрировано 4 дорожно-транспортных происшествия, в которых 4 человека получили ранения.
23.10.2018 УМВД Тамбовской области
Фото: ГИБДД Водитель от госпитализации отказался. Под Тамбовом, на 34 км "Северного обхода", 50-летний дальнобойщик на фуре "Вольво" с полуприцепом на крутом повороте не справился с управлением,
23.10.2018 Тамбовский курьер
Покровская ярмарка - Городская больница им. Архиепископа Луки История Покровской ярмарки в Тамбове берет начало в XVIII веке. Своё название ярмарка получила по празднику Покрова Пресвятой Богородицы, который является для города особым: в этот день в 1637 году был освящён храм,
23.10.2018 Городская больница им. Архиепископа Луки
Яблоневый сад - Администрация г. Моршанска Сегодня в Моршанске посадили яблоневый сад за Свято-Троицким собором. С данной инициативой вышли епархия, органы местного самоуправления и правоохранители.
22.10.2018 Администрация г. Моршанска
Подобные курсы на территории области проходят впервые. автор: Дмитрий Ерофеев Ближайшие две недели священнослужители Тамбовской митрополии будут повышать свой квалификационный уровень.
16.10.2018 Телекомпания Новый Век
Как сообщает пресс-служба администрации города, завтра, 21 октября, в Доме молодёжи «Космос» состоится фестиваль-концерт хоровых коллективов Мичуринской епархии «Покровский глас», посвящённый 1030-летию Крещения Руси.
16.10.2018 Мичуринская правда
Звезда российских сериалов покажет в родном Первомайском свои режиссёрские работы - Top68.Ru Актёр известных отечественных сериалов Денис Кудрявцев привезёт на малую родину, в посёлок Первомайский, свои режиссёрские работы - два короткометражных фильма: «Турист» и «Я тебя вижу».
23.10.2018 Top68.Ru
В администрации региона прошло первое заседание проектного комитета по реализации нацпроекта «Культура» на территории Тамбовской области под председательством вице-губернатора Натальи Астафьевой.
23.10.2018 Администрация области
В воскресенье, 28 октября, в парке культуры и отдыха состоится товарищеский матч по шахматам между сборными командами Тамбова и Мичуринска на пятнадцати досках.
23.10.2018 Мичуринская правда
В рамках этапа кубка России по шахматам в Тамбове проведён блиц-турнир с контролем времени 5 минут и 2 секунды на выполнение хода.
23.10.2018 Мичуринская правда
В сентябре правительством было установлено понятие грубого нарушения лицензионных требований к деятельности по управлению многоквартирными домами.
23.10.2018 Администрация области
По оперативной информации Фонда ремонта общего имущества в многоквартирных домах Тамбовской области, по состоянию на 23 октября по программе текущего года отремонтировано 170 многоэтажек из 289, включенных в программу.
23.10.2018 Администрация области